7 నుంచి జేఈఈ అడ్వాన్స్‍డ్‌ రిజిస్ట్రేషన్‌
జేఈఈ అడ్వాన్స్‍డ్‌ కోసం ఈ నెల 7 నుంచి 11 వరకు దరఖాస్తు ప్రక్రియ కొనసాగనున్నది. ఐఐటీ బాంబే.. ఈ నెల 29న రెండు షిఫ్టులలో జేఈఈ అడ్వాన్స్‍డ్‌ను నిర్వహించనున్నది. ఈ నెల 23 నుంచి 28 వరకు అడ్మిట్‌ కార్డులు వెబ్‌సైట్‌లో అందుబాటులో ఉంటాయి. ఇప్పటికే జేఈఈ మెయిన్‌– 1 ఫలితాలు విడుదల కాగా, మెయిన్‌– 2 ఫలితాలు రిలీజ్‌ కానున్నాయి. ఈ రెండింటి ఫలితాల ఆధారంగా అభ్యర్థులను అడ్వాన్స్‍డ్‌కు హాజరయ్యే అవకాశాన్ని నేషనల్‌ టెస్టింగ్‌ ఏజెన్సీ (ఎన్టీఏ) అధికారులు కల్పించనున్నారు. దీని ఫలితాలు సెప్టెంబర్‌ 11న విడుదలవుతాయి.
