బాసర ట్రిపుల్ ఐటీ సీట్లకు తీవ్ర పోటీ
ఇప్పటికే 21 వేల దరఖాస్తులు.. ఈ నెల 15 చివరి తేదీ ..
నిర్మల్ జిల్లా బాసర ట్రిపుల్ ఐటీలో 2022-23 విద్యాసంవత్సరానికి ప్రవేశాల కోసం తీవ్ర పోటీ నెలకొన్నది. ఇప్పటివరకు 1,500 సీట్లకుగాను 21 వేలకుపైగా దరఖాస్తులు వచ్చాయి. ఈ నెల ఒకటి నుంచి 15 వరకు ఆన్లైన్లో దరఖాస్తుల కోసం నోటిఫికేషన్ విడుదల చేశారు. ఇంకా మూడు రోజుల సమయం ఉండగానే భారీస్థాయిలో దరఖాస్తులు అందాయి. ఈ నెల 30న విద్యార్థుల ఎంపిక జాబితాను విడుదల చేయనున్నారు. గతేడాది 19,500 దరఖాస్తులు మాత్రమే వచ్చాయి.
