వినియోగదారుల హక్కుల చట్టం-2019
# వినియోగదారుల హక్కులపై భారత ప్రభుత్వం 2019లో నూతన చట్టాన్ని రూపొందించింది. దీన్ని ‘వినియోగ దారుల హక్కుల చట్టం-2019’ పేరుతో పిలుస్తున్నారు. ఈ చట్టం 2020 జూలై 20 నుంచి అమలులోకి వచ్చింది. ఈ చట్టం వల్ల వినియోగదారుడు మరింత బలవంతుడు అవుతాడు. వినియోగదారుల రక్షణ మండలాలు, వినియోగదారుల వివాదాల పరిష్కార కమిషన్లు, మధ్యవర్తిత్వం, ఉత్పత్తి బాధ్యత, తయారీ దారులకు శిక్షణ, కల్తీ వస్తువుల అమ్మకం లాంటి విషయాల్లో అనేక నిబంధనలు ఈ చట్టంలో పొందుపరిచారు.
# ఈ చట్టం కింద కేంద్ర వినియోగదారుల రక్షణ ప్రాధికార సంస్థ ఏర్పాటవుతుంది. ఇది వినియోగదారుల హక్కులను కాపాడటానికి, అమలు చేయడానికి పనిచేస్తుంది. హక్కుల ఉల్లంఘన జరిగినా, అనుచిత వ్యాపార విధానాలు అవలంబించినట్లు తెలిసినా, తప్పుదారి పట్టించే ప్రకటనలు వెలువరించినా దర్యాప్తు జరిపి ఆ తయారీదారులు లేదా అమ్మకందారులు లేదా ప్రకటనల ప్రచురణ, ప్రసారకర్తల మీద జరిమానాలు విధిస్తుంది.
# ఈ కామర్స్ వేదికలు అనుచిత వ్యాపార విధానాలు అవలంబించకుండా అడ్డుకోవడానికి కూడా చట్టంలో నిబంధనలు ఉన్నాయి.
#ఈ చట్టం ప్రకారం కేసు పరిశీలనా పరిధి జిల్లా స్థాయిలో రూ. కోటి, రాష్ట్రస్థాయిలో రూ. కోటి నుంచి రూ. 10 కోట్ల వరకు, జాతీయ స్థాయిలో రూ. 10 కోట్ల కంటే ఎక్కువ జరిమానా విధిస్తారు.
