1 నుంచి ‘ఐబీపీఎస్’కు బీసీ స్టడీ సర్కిల్‌ శిక్షణ
ఐబీపీఎస్ పరీక్ష రాసే అభ్యర్థులకు ఆన్‌లైన్‌లో ఉచిత కోచింగ్‌ ఇవ్వనున్నట్టు బీసీ స్టడీ సర్కిల్‌ డైరెక్టర్‌ అలోక్‌ కుమార్‌ మంగళవారం ఒక ప్రకటనలో తెలిపారు. వెయ్యి మంది అభ్యర్థులకు 45 రోజుల పాటు ఆన్‌లైన్‌ కోచింగ్‌ ఇస్తామన్నారు. జిల్లాకు 30 మంది చొప్పున అభ్యర్థులను ఎంపిక చేస్తామని చెప్పారు. ఆన్‌లైన్‌ తరగతులు జూలై 1 నుంచి ప్రారంభిస్తామని తెలిపారు. అభ్యర్థులు tsbcstudycircle.cgg.gov.in నుంచి దరఖాస్తు చేయాలని కోరారు. అభ్యర్థులకు పది, ఇంటర్‌, డిగ్రీ పరీక్షల్లో 60 శాతం మార్కులు తప్పనిసరని, తల్లిదండ్రుల సంవత్సర ఆదాయం రూ.5 లక్షల లోపు ఉండాలని తెలిపారు. వివరాలకు 040-24071178, 27077929 సంప్రదించవచ్చని పేర్కొన్నారు.
