అంటార్కిటికాలో కొత్త నాచు మొక్కల జాతులను కనుగొన్న పంజాబ్ శాస్త్రవేత్తలు
పంజాబ్లోని భటిండాలో ఉన్న కేంద్ర విశ్వవిద్యాలయానికి చెందిన వృక్ష శాస్త్రవేత్తలు కొందరు తూర్పు అంటార్కిటికాలో ఇటీవల ఒక కొత్త స్థానిక నాచు మొక్కల జాతిని కనుగొన్నట్లు ప్రకటించారు. ఈ విశ్వవిద్యాలయానికి చెందిన ధ్రువ, సముద్ర విభాగాల జీవశాస్త్రవేత్త ఫెలిక్స్ బస్త్ అంటార్కిటికాలోని భారత్కు చెందిన భారతి స్టేషన్కు దగ్గరలోని లార్సెమాన్ కొండల మీద ఉన్న రాళ్లపై ఈ నాచు వంటి మొక్కలను కనుగొన్నారు. 2016-17 సంవత్సరంలో కొందరు శాస్త్రవేత్తల బృందం అంటార్కిటికాలోని భారతీయ మిషన్కు యాత్ర జరిపినప్పుడు బస్త్ దీన్ని కనుగొన్నారు. వృక్ష శాస్త్రవేత్తలు ఈ మొక్కల జాతికి ‘బ్రయం భారతీయెన్సిస్’ అని పేరు పెట్టారు. తర్వాత దీనిపై పత్రాలు ప్రచురించి వీటి ఉనికిని నిర్ధారణ చేసుకున్నారు. అంటార్కిటికాలోని భారతీయ మిషన్ శాస్త్రవేత్తలు కనుగొన్న ఏకైక, మొట్టమొదటి మొక్క జాతి ఇది.
