ఐఐటీహెచ్లో కొత్తగా ఆప్తాల్మిక్ ఎంటెక్ కోర్సు
# జూలై 7వరకు దరఖాస్తుల స్వీకరణ
ఐఐటీ హైదరాబాద్.. ఎంటెక్లో సరికొత్త కోర్సును ప్రవేశపెట్టింది. ఎల్వీ ప్రసాద్ ఐ ఇన్స్టిట్యూట్తో కలిసి ఆప్తాల్మిక్ ఎంటెక్ కోర్సును ఐఐటీ హైదరాబాద్ శుక్రవారం ప్రారంభించింది. ప్రస్తుత విద్యా సంవత్సరంలోనే ఈ కోర్సును ప్రవేశపెట్టింది. ఈ కోర్సులో చేరాలనుకొనేవారు జూలై 7లోపు ఆన్లైన్లో దరఖాస్తు చేసుకోవాలని ఐఐటీ హైదరాబాద్ డైరెక్టర్ బీఎస్ మూర్తి శుక్రవారం ఒక ప్రకటనలో కోరారు. ఆగస్టు నుంచి కొత్త బ్యాచ్ తరగతులు ప్రారంభమవుతాయని తెలిపారు. నేత్ర సంరక్షణలో ఎదురవుతున్న సవాళ్లను పరిష్కరించేందుకు వీలుగా ఐఐటీ హైదరాబాద్, సెంటర్ఫర్ ఇంటర్ డిసిప్లినరీ(సీఐపీ), ఎల్వీ ప్రసాద్ ఐ ఇన్స్టిట్యూట్ కలిసి సంయుక్తంగా ఆప్తాల్మిక్ ఇంజినీరింగ్లో బ్లెండెడ్ మాస్టర్ ఆఫ్ టెక్నాలజీ(ఎంటెక్) కోర్సును డిజైన్ చేశాయని పేర్కొన్నారు.
