బోధనలో ప్రయోజనం విలువ
గణిత శాస్త్రం
- గణితం అంటే సూత్రయుక్తమైన శాస్త్రం – పావులూరి మల్లన్న
- ప్రకృతి అంతా గణితమయం.
- ప్రకృతి శక్తులకు సంబంధించిన అవగాహనకు గణిత జ్ఞానాన్ని వినియోగించడం.
- నక్షత్రాలు, గ్రహాలు గణిత నియమాల ప్రకారం నడుస్తాయి.
- గ్రహణాలు ఎప్పుడు ఏర్పడుతాయి లాంటి విషయాలు ముందుగానే చెప్పడానికి గణితజ్ఞానాన్ని వినియోగించడం.
- దేశాభివృద్ధి సాధించగల గణితం మరువరానిది- నెపోలియన్‌
- సకల శాస్ర్తాలకు గణితం మూలం, ద్వారం- బేకన్‌
- జీవితంలో క్రమపద్ధతి అవసరం. ఇటువంటి లక్షణాన్ని గణిత పఠనం ద్వారా పొందడం.
- గణితానికి ‘పొట్ట పోషించుకునే విలువ /ప్రయోజనం’ ఉంటుంది.
- సమాజంలో ఏ స్థాయికి చెందిన వ్యక్తికయినా, ఏ వృత్తికయినా గణితజ్ఞానం అవసరం.
- ఉదా: ఒక కూలివాడు తనకు రావలసిన కూలీని లెక్కగట్టడం.
- వ్యాపారి వస్తువులను అమ్మడం, కొనడం, ద్వారా తన లాభ, నష్టాలను లెక్కించడం.
- గృహిణి ఇంటి బడ్జెట్‌ను తయారు చేసుకోవడం.
- గణితాన్ని నేర్చుకొన్న రాము సొంతంగా వ్యాపారం చేసుకోగలుగుతున్నట్లయితే అతడికి గణితం ద్వారా ఏ విలువను పొందినట్లు- ప్రయోజన విలువ
- నిజజీవిత సమస్యలను పరిష్కరించుకోవడంలో నేర్చుకొన్న గణిత జ్ఞానం ఉపయోగపడితే ఆ గణిత శాస్ర్తానికి ఏ విలువ ఉన్నట్లు -ప్రయోజన విలువ
- శ్రీను గణితాన్ని నేర్చుకొని తన జీవనోపాధిని గడుపుతున్నాడు. ఇది గణిత శాస్త్ర ఏ విలువను సూచిస్తుంది-ప్రయోజన విలువ
సాంఘిక శాస్త్రం
- భౌగోళిక శాస్త్రం వల్ల నేలలు, ఆ నేలల్లో పండే పంటలు, ఖనిజ సంపద మొదలైన వాటికి సంబంధించిన జ్ఞానం లభించడం.
- చరిత్రవల్ల మన పూర్వీకుల గొప్పదనం, అప్పటి పరిస్థితులను అర్థం చేసుకోవడం.
- అధ్యయనంవల్ల విద్యార్థి తన హక్కులు, విధులు, బాధ్యతలను తెలుసుకోవడం.
- అర్థశాస్త్రం వల్ల మార్కెట్లు ఏ విధంగా ఉంటాయో తెలుసుకోవడం.
క్రమశిక్షణ విలువ
గణిత శాస్త్రం
- గణితమనేది ఒకవిధమైన, కచ్చితమైన ఆలోచన.
- హేతువాదం ద్వారా గణితం విద్యార్థుల్లో ‘క్రమశిక్షణ విలువను’ పెంపొందిస్తుంది.
- హేతువాదంలో మానవుని మేధస్సు స్థిరపడే మార్గమే గణితం – జాన్‌ లాక్‌
- ప్రతి విద్యార్థికి లేదా వ్యక్తికి, సంఘానికి లేదా దేశానికి ఒక క్రమ పద్ధతి అవసరం. ఇలాంటి లక్షణాన్ని విద్యార్థులు గణితాధ్యయనం ద్వారా పొందడం.
- పాఠ్యాంశాలను ఒకదాని తరువాత ఒకటి క్రమపద్ధతిలో నేర్చుకోవడం.
- ఉదా: సుధ అనే అమ్మాయి ముందు సంకలనం, గుణకారం, భాగహారం, ఇలా ఒక క్రమం లో నేర్చుకొంటుంది. ఇది ఆమెలోని ఏ విలువను సూచిస్తుంది- క్రమశిక్షణ
- గణిత సమస్యలన్నీ దత్తాంశాల నుంచి సారాంశాన్ని కనుక్కొనే పద్ధతిలో పరిష్కరించడం.
- రాజు అనే విద్యార్థి సమస్యను దత్తాంశం నుంచి సారాంశం వైపునకు వేగంగా, కచ్చితంగా సాధించగలిగాడు. అయితే అతను గణిత శాస్త్రం ద్వారా పొందిన విలువ – క్రమశిక్షణ
సమస్య సాధనకు సరైన పద్ధతిని ఎన్నుకోవడం, ఫలితాలను ఊహించడం, జవాబును సరిచూడటం లాంటి నైపుణ్యాలు గణితం ద్వారా నేర్చుకోవడం. - గణితాంశాలను సరళమైన భాషలో వివరించడం.
- సరళత లేదా స్పష్టత స్వభావం.
- ఉపజ్ఞతను కలిగి ఉండటం.
- గణనలు చేయడంలో వేగం, కచ్చితత్వాన్ని పెంపొందించడం.
- గణితాధ్యయనం ద్వారా విద్యార్థుల్లో సృజనాత్మకత అభివృద్ధి చెందడం.
- గణితాధ్యయనం సరిగా చేసిన విద్యార్థి సూత్రాన్ని మర్చిపోతే దాన్ని గుర్తు తెచ్చుకోవడానికి బదులు ఆ సూత్రాన్ని మళ్లీ రూపొందిచడానికి ప్రయత్నించడం.
- శృతి అనే అమ్మాయి దీర్ఘ చతురస్రం చుట్టుకొలత సూత్రం మర్చిపోతే ఆమె మళ్లీ రూపొందించుకుంటే ఆమెలోని విలువ- క్రమశిక్షణ
- గణితాధ్యయనం ద్వారా నైతిక విలువలు, ఆత్మ విశ్వాసం, ఆత్మగౌరవం, ఇతరులను గౌరవించడం, నిరాడంబరం, మితభాషణం, విచక్షణాజ్ఞానం, మొదలైన క్రమ శిక్షణ విలువలను పొందుతారు.
- గణితశాస్త్రంలోని శాస్త్రవేత్తలను గురించి నేర్చుకొన్న విద్యార్థి తన తోటివారిని గౌరవిస్తున్నట్లయితే ఇది అతడిలోని ఏ విలువను సూచిస్తుంది.- క్రమశిక్షణ విలువ
విజ్ఞాన శాస్త్రం
- విజ్ఞాన శాస్త్రం విద్యార్థులకు శాస్త్రీయ పద్ధతిలో శిక్షణ ఇస్తుంది. ఇది వారిలో నిష్పాక్షిక పరిశీలన, మానసిక ఏకాగ్రత, క్రమబద్ధమైన ఆలోచనా సరళి, ఓర్పు, సరైన నిర్ణయాలు చేయడం, నిశితంగా పరిశీలించడం, పరికల్పనలు రూపొందించడం, పరీక్షించడం లాంటి సుగుణాలను క్రమశిక్షణా విలువలు పెంపొందిస్తాయి.
- క్రమబద్ధమైన జీవిత విధానంతో ఆనందాన్ని పొందుతారు.
సాంఘిక శాస్త్రం
- సాంఘిక శాస్త్రం అధ్యయనం నీతి నిజాయితీతో, సంయమనాన్ని పాటిస్తూ సమస్యలను పరిష్కరిస్తూ, మంచి జీవితానికి నాంది పలుకుతూ, వ్యక్తి ఆలోచనలో, ప్రవర్తనలో మార్పులను తీసుకురావడాన్ని ‘క్రమశిక్షణా విలువలు’ అంటారు.
- సాంఘికశాస్త్రం అధ్యయనం సమస్యను నిశితంగా పరిశీలించడం, సమగ్రంగా ఆలోచించడం, నివేదికలను తయారు చేయడం, పరికల్పనలను రూపొందించి పరీక్షించడం వంటి సుగుణాలను పెంపొందిస్తుంది.
