దేశంలోని ఓడరేవులు ఏవో తెలుసా?

-సముద్రాన్ని భూభాగంతో కలిపే ముఖద్వారాన్ని ఓడరేవు అంటారు.
-దేశంలో ప్రస్తుతం 13 ప్రధాన ఓడరేవులు ఉన్నాయి. చిన్న, మధ్యతరహా ఓడరేవులు దాదాపు 200 వరకు ఉన్నాయి.
-ప్రధాన ఓడరేవుల నిర్వహణ కేంద్రప్రభుత్వ పరిధిలోకి వస్తుంది. ఇతర నౌకా కేంద్రాల నిర్వహణ ఆయా రాష్ర్టాల పరిధిలో ఉంటుంది.
-దేశంలో అత్యధిక ఓడరేవులు గల రాష్ట్రం- మహారాష్ట్ర (53), ఆ తర్వాత గుజరాత్ (40) .

పశ్చిమతీరంలోని ఓడరేవులు ముంబై ఓడరేవు
-ఇది దేశంలోని అతిపెద్ద, సహజసిద్ధ ఓడరేవు. దీన్ని సాల్‌సెట్టి ద్వీపంలో నిర్మించారు.
-1869లో సూయజ్ కాలువ తెరిచిన తర్వాత దీని ప్రాముఖ్యత పెరిగింది.
-భారత్‌లో సుమారు 25 శాతం వాణిజ్యం ఈ ఓడరేవు ద్వారానే జరుగుతుంది.
-ఇది అత్యంత రద్దీ గల ఓడరేవు. ఇక్కడ ప్రధాన దిగుమతులు- పెట్రోలియం ఉత్పత్తులు

కాండ్లా ఓడరేవు
-దీన్ని 1955లో ఏర్పాటుచేశారు. ఇది స్వాతంత్య్రం తర్వాత ఏర్పాటు చేసిన మొదటి ఓడరేవు.
-ఈ ఓడరేవును కచ్ సింధుశాఖలో ఏర్పాటుచేశారు. దీన్ని స్ట్రింగ్ ఆఫ్ పార్టీషియన్ అని పిలుస్తారు.
-ఇక్కడ ఉన్న ప్రముఖ టెర్మినల్- వాడినర్
-ఇది దేశంలో ఉన్న ఒకే ఒక్క టైడల్ ఓడరేవు
-భారత్‌లో మొదటి ఎక్స్‌పోర్ట్ ప్రాసెసింగ్ జోన్‌ను ఇక్కడే ఏర్పాటుచేశారు.
-ఈ ఓడరేవు ద్వారా చేసే ప్రధాన ఎగుమతులు- కాటన్ టెక్స్‌టైల్స్

నవ సేవ ఓడరేవు (మహారాష్ట్ర)
-దీన్ని జవహర్‌లాల్ ఓడరేవు అని పిలుస్తారు.
-ముంబై ఓడరేవులో రద్దీ తగ్గించడానికై దీన్ని సహాయకారి ఓడరేవుగా అభివృద్ధి చేశారు
-ఇది అత్యాధునిక సాంకేతిక పరిజ్ఞానంతో నిర్మించిన ఓడరేవు, దేశంలో అతిపెద్ద కంటైనర్ పోర్టు.
-ఈ ఓడరేవు ద్వారా చేసే ప్రధాన ఎగుమతులు- కాటన్ టెక్స్‌టైల్స్

మార్మగోవా ఓడరేవు (గోవా)
-ఇది నదీ ఆధారిత ఓడరేవు. దీన్ని జువారీ నది ఎడమ ఒడ్డున నిర్మించారు.
-ఇనుప ఖనిజాన్ని పశ్చిమదేశాలకు ఎగుమతి చేస్తుంది.
-ఇక్కడి ప్రధాన దిగుమతులు- ముడి చమురు

న్యూ మంగళూరు ఓడరేవు (కర్ణాటక)
-ఇది గురుపూర్ నది ఒడ్డున ఉంది.
-దీన్ని గేట్ వే ఆఫ్ కర్ణాటక అని పిలుస్తారు
-ఆసియాలో అతిపెద్ద నౌకా కేంద్రమైన సీబర్డ్ కేంద్రాన్ని స్థాపించారు.
-ఈ ఓడరేవును, మహారాష్ట్రను కొంకణ్ రైల్వే మార్గం కలుపుతుంది
-ప్రధాన ఎగుమతులు-ఇనుప ఖనిజం, ప్రధాన దిగుమతులు-పెట్రోలియం ఉత్పత్తులు

కొచ్చిన్ ఓడరేవు (కేరళ)
-దీన్ని అరేబియా సముద్రపు రాణి (Queen of Arabian Sea) అని పిలుస్తారు.
-దీన్ని ఎంబనాడ్ కాయల్ వద్ద నిర్మించారు
-లాల్‌బహదూర్ శాస్త్రి నాటికల్ అండ్ ఇంజినీరింగ్ కాలేజీ ఈ ఓడరేవు సమీపంలో ఉంది.
-ఇది కొలంబో నుంచి సూయజ్ వరకు గల జలమార్గం మధ్యలో ఉంది.
-ఈ ఓడరేవులో ప్రధాన ఎగుమతులు- కంటెయి నర్లు, సుగంధ ద్రవ్యాలు, ప్రధాన దిగుమతులు- పెట్రోలియం ఉత్పత్తులు

తూర్పు తీరంలోని ఓడరేవులు విశాఖపట్నం ఓడరేవు
-దేశంలోనే అత్యంత లోతైన సహజసిద్ద ఓడరేవు.
-అతిపెద్ద కన్వేయర్ బెల్ట్ హార్బర్ కలిగిన ఓడరేవు.
-ఇది డాల్ఫిన్ నోస్ అనే కొండ, రాస్ అనే పర్వతశ్రేణి సముద్ర అలల నుంచి కాపాడుతున్నాయి.
-ఇది దేశంలో అత్యంత సురక్షితమైన ఓడరేవు.
-ఈ ఓడరేవు నుంచి ఎగుమతులు-బైలడిల్లా (ఛత్తీస్‌ఘడ్) గని నుంచి ఇనుప ఖనిజాన్ని జపాన్‌కు ఎగుమతి చేస్తున్నారు.

చెన్నై ఓడరేవు (తమిళనాడు)
-ఇది దక్షిణ ఇండియాలో, తూర్పు తీరంలో గల అతిపురాతనమైన, కృత్రిమమైన అతిపెద్ద ఓడరేవు
-దీన్ని 1859లో నిర్మించారు. ఇది ఇండియాలోని రెండవ అతిపెద్ద ఓడరేవు.
-ఇది దేశంలోని మొదటి కంపెనీ మేనేజ్‌మెంట్ పోర్టు
-ఈ ఓడరేవులో ప్రధాన ఎగుమతులు-తోళ్లు, పొగాకు, ప్రధాన దిగుమతులు-బొగ్గు, పెట్రోలియం ఉత్పత్తులు

ట్యుటికోరిన్ ఓడరేవు (తమిళనాడు)
-ఇది దేశానికి దక్షిణ మూలన ఉంది. హిందూ మహాసముద్ర తీరంలో ఉన్న ఏకైక ఓడరేవు.
-ఇది ముత్యపు చిప్పలకు ప్రసిద్ది.

ఎన్నోర్ ఓడరేవు (తమిళనాడు)
-దేశంలో ఏకైక కార్పొరేట్ ఓడరేవు. ఇది 2001 నుంచి పనిచేస్తుంది.
-దీన్ని కామరాజ్ నాడార్ ఓడరేవుగా మార్చారు.

పారాదీప్ ఓడరేవు (ఒడిశా)
-జపాన్‌కు ఇనుప ఖనిజాన్ని ఎగుమతి చేయడానికి దీన్ని ఏర్పాటు చేశారు.
-ఈ ఓడరేవులో ప్రధాన ఎగుమతులు- ముడి ఇనుము, బొగ్గు.