The autobiography of Puchalapally Sundarayya | పుచ్చలపల్లి సుందరయ్య స్వీయ చరిత్ర పేరు?

-1969 ఫిబ్రవరి 19, 20, 21 తేదీల్లో గుంటూరు జిల్లా పిడుగురాళ్ల సమీపంలోని గుత్తికొండ బిలంలో చారు మజుందార్ రహస్య సమావేశం నిర్వహించారు.
-ఈ రహస్య సమావేశానికి పంచాది కృష్ణమూర్తి, చౌదరి తేజేశ్వరరావు, మామిడి అప్పలసూరి హాజరయ్యారు.
-తెలంగాణలోని వరంగల్ ప్రాంతం నుంచి కె.జి.సత్యమూర్తి, చంద్రశేఖరరెడ్డి (వరంగల్ ఆర్‌ఈసీ విద్యార్థి)లు హాజరయ్యారు.
-ఆరోగ్య కారణాలవల్ల ఖాజీపేట గాబ్రియల్ స్కూల్ టీచర్ కొండపల్లి సీతారామయ్య హాజరుకాలేక తన కుమారుడైన చంద్రశేఖర్‌రెడ్డిని పంపించాడు.
-కొండపల్లి సీతారామయ్య హాజరుకానప్పటికీ రాష్ట్ర కమిటీ కార్యవర్గంలోకి ఆయనను, కేజీ సత్యమూర్తిని తీసుకున్నారు.
-గుత్తికొండ సమావేశంలోనే సీపీఐ (ఎంఎల్) ఆంధ్రప్రదేశ్ రాష్ట్ర కమిటీ ఏర్పడింది.
-వర్గ శత్రు నిర్మూలనే ధ్యేయంగా విప్లవకారులు ఆయుధాలు చేతబట్టడంతో హింసాత్మక ఘటనలు చోటుచేసుకున్నాయి.
-సాయుధ పోరాట పంథాను చేపట్టడంతో ప్రభుత్వం శ్రీకాకుళం జిల్లాను కల్లోలిత ప్రాంతంగా ప్రకటించి పోలీస్ చర్యలను ఉధృతం చేసింది.
-పోలీసులతో జరిగిన ఎన్‌కౌంటర్లలో చాలామంది ప్రముఖ నాయకులు మరణించారు.
-1969 మార్చి 11న తరిమెల నాగిరెడ్డి తన ఎమ్మెల్యే పదవికి రాజీనామా చేశారు.
-1969 ఏప్రిల్ 10 నుంచి 12 వరకు కృష్ణా జిల్లా కంభంపాడు దగ్గర నిమ్మతోటలో రహస్యంగా సమావేశమై తక్షణ కార్యక్రమం (ఇమిడియట్ ప్రోగ్రాం) పేరుతో ఒక కార్యక్రమాన్ని నిర్దేశించుకున్నారు.
-తర్వాత విజయవాడలో సమావేశమై ఖమ్మంలోని పగిడేరు, పాల్వంచ ప్రాంతాల్లో వెంటనే పోరాట చర్యలు ప్రారంభించాలని నిర్ణయించారు.
-1969 ఏప్రిల్ 16న పగిడేరులో భూస్వాముల వద్ద 4 తుపాకులు గుంజుకున్నారు.
-ములుగు ప్రాంతంలోని గుమ్మడిదొడ్డి గ్రామంలో భూస్వామి ఇంటిపై దాడి చేశారు.
-ఖమ్మం, వరంగల్, కరీంనగర్ జిల్లాల్లో గెరిల్లా దళాలు ఏర్పాటు చేసి కార్యకలాపాలు ప్రారంభించారు.
-ముఖ్యంగా తెలంగాణలో ప్రవేశించిన యూనియన్ సైన్యాలను ఏ ప్రాంతాల్లోనైతే నల్లగొండ, వరంగల్ పోరాట యోధులు కేంద్ర స్థానం చేసుకొని 1948-51 మధ్య కాలంలో ఎదుర్కొన్నారో ఆ ప్రాంతాల్లోనే శిక్షణ, దాడులు కేంద్రీకరించారు.
-బీహార్, ఉత్తరప్రదేశ్‌లలో కూడా సాయుధ తిరుగుబాట్లు ప్రారంభమయ్యాయి.
-1969 మే 27న జలాంత్రకోట వద్ద పోలీసుల కాల్పుల్లో ప్రముఖ ఉద్యమకారుడు పంచాది కృష్ణమూర్తి మరణించాడు.
-పంచాది కృష్ణమూర్తి మరణానంతరం ఉద్యమం అణగకపోగా మరింత ఉధృతమైంది.
-అనంతర కాలంలో సీపీఐ(ఎంఎల్) నాయకులైన కాను సన్యాల్, సోరెన్‌బోస్‌లు శ్రీకాకుళం జిల్లాను సందర్శించి, ఉద్యమ భవిష్యత్తు నిర్వహణను సత్యంకు అప్పగించారు.
-ప్రభుత్వ అణచివేత చర్యల్ని ఎదుర్కొనేందుకు ఆత్మాహుతి దళం ఏర్పాటు చేయాలని కూడా నిర్ణయించారు.
-1969 జూలైలో రైతాంగ సంఘర్షణ సమితి మొత్తం 518 గ్రామాల్లో 300 గ్రామాలను తన అదుపులోకి తీసుకుంది.
-దోపిడీదారులను శిక్షించడానికి రైతాంగ సంఘర్షణ సమితి ప్రజా న్యాయస్థానాలను నెలకొల్పింది.
-1969 డిసెంబర్లో తరిమెల నాగిరెడ్డి, దేవులపల్లి వెంకటేశ్వరరావు, వెల్మారెడ్డి, గోపాల్‌రెడ్డి, చల్లపల్లి శ్రీనివాసరావు, మండ్ల సుబ్బారెడ్డి, వసంతాడ రామలింగాచారి, సుంకరి లక్ష్మీనరసయ్యలు మద్రాస్‌లో రహస్య సమావేశం నిర్వహిస్తుండగా అరెస్టయి హైదరాబాద్ కుట్ర కేసులో జైలు పాలయ్యారు.

-1970 జూలై 10న బారికొండ వద్ద జరిగిన ఎదురుకాల్పుల్లో సత్యం, కైలాసం ఇద్దరూ మరణించారు.
-సత్యం, కైలాసం మరణంతో శ్రీకాకుళం సాయుధ పోరాటం దాదాపుగా కనుమరుగైంది.
-1970 జూలై 24న మామిడి అప్పలసూరి, డి. నాగభూషణం పట్నాయక్‌లను కలకత్తాలో అరెస్టు చేశారు.
-శ్రీకాకుళం ఉద్యమంలో పాల్గొన్న 120 మందిపై పోలీసులు కేసు నమోదు చేశారు.
-1970 జూలై నెలలో నీలం రామచంద్రయ్య, రామనర్సయ్య, చండ్ర పుల్లారెడ్డిలు మరొక రాష్ట్ర కమిటీని ఏర్పాటు చేసి, ఆంధ్రప్రదేశ్ రెవల్యూషనరీ కమ్యూనిస్టు పార్టీని ఏర్పాటు చేసి గోదావరి లోయలో తమ దృష్టిని కేంద్రీకరించారు.
-1972 జూలై 16న కలకత్తాలో చారు మజుందార్ అరెస్టయ్యాడు.
-చారు మజుందార్ అరెస్టయిన 12 రోజులకు 1972 జూలై 28న పోలీసు కస్టడీలోనే మరణించాడు.
-దోషులుగా నిర్ధారించబడిన వారిలో నాగభూషణం పట్నాయక్‌కు మరణశిక్ష విధించారు.
-ఈ మరణశిక్షకు వ్యతిరేకంగా దేశవ్యాప్త ఆందోళన జరిగింది. ఈ ఆందోళనవలన, అతని అనారోగ్య కారణాల వలన తర్వాత కాలంలో నాగభూషణం పట్నాయక్‌ను విడుదల చేశారు.
-1970 నాటికి పోలీసులు అమలు చేసిన నిర్బంధకాండవల్ల శ్రీకాకుళం ఉద్యమంలో కొంత స్తబ్ధత ఏర్పడింది.
-1972 సెప్టెంబర్‌లో చండ్ర రాజేశ్వరరావు, రాజా బహదూర్‌గౌడ్, నల్లమల గిరిప్రసాద్‌లు చారిత్రాత్మక తెలంగాణ పోరాటం అనే పుస్తకాన్ని ప్రచురించారు.
-1972 డిసెంబర్‌లో మాకినేని బసవపున్నయ్య తెలంగాణ సాయుధ పోరాటం-వాస్తవాలు అనే గ్రంథాన్ని ప్రచురించాడు.
-పుచ్చలపల్లి సుందరయ్య స్వీయ చరిత్ర – విప్లవ పథంలో నా పయనం.

పాలకొల్లు సమావేశం
-1968 జనవరిలో ఆంధ్రప్రదేశ్ రాష్ట్ర మార్క్సిస్ట్ పార్టీ ప్లీనరీ జరిగింది.
-మావోవాదులు మెజారిటీ సంఖ్యలో ఉన్న ఈ సమావేశంలో తమ సైద్ధాంతిక సూత్రాలను ప్రతిపాదించి చర్చించడానికి వారికి ఒక మంచి అవకాశం లభించింది.
-పార్టీ పొలిట్‌బ్యూరో తరఫున పుచ్చలపల్లి సుందరయ్య, మాకినేని బసవపున్నయ్యలు సమావేశంలో పాల్గొని, కమ్యూనిస్టు వర్గాల్లో ఉన్న సైద్ధాంతిక విభేదాలను పరిష్కరించడానికి ప్రయత్నించి విఫలమయ్యారు.
-పాలకొల్లు ప్లీనరీ ప్రిసీడియానికి మావో వాదులైన తరిమెల నాగిరెడ్డి, దేవులపల్లి వెంకటేశ్వర రావులు కేంద్ర కమిటీని సమర్థిస్తున్న గుంటూరు బాపనయ్యలు ఎన్నికయ్యారు.