సిఫ్‌నెట్‌లో ప్రవేశాలు
కొచ్చిలోని సెంట్రల్‌ ఇన్‌స్టిట్యూట్‌ ఆఫ్‌ ఫిషరీస్‌ నాటికల్‌ అండ్‌ఇంజినీరింగ్‌ ట్రెయినింగ్‌ (సిఫ్‌నెట్‌) 2021-22 విద్యాసంవత్సరానికిగాను కింది కోర్సుల్లో ప్రవేశాల కోసం ప్రకటన విడుదలైంది.
బ్యాచిలర్‌ ఆఫ్‌ ఫిషరీ సైన్స్‌ (నాటికల్‌ సైన్స్‌)
మొత్తం సీట్ల సంఖ్య 45
ఈ కోర్సు కాలవ్యవధి నాలుగేండ్లు (8 సెమిస్టర్లు)
ఈ కోర్సుకు యూజీసీ గుర్తింపు ఉంది. దీంతోపాటు ముంబైలోని డీజీ షిప్పింగ్‌ అనుమతి కూడా ఉంది.
ఈ సంస్థకు కొచ్చిలోని సీయూఎస్‌ఏటీ అఫిలియేషన్‌ ఉంది.
అర్హతలు: కనీసం 50 శాతం మార్కులతో ఇంటర్‌ (బైపీసీ) లేదా ఎంపీసీ ఉత్తీర్ణులైనవారు లేదా 2021లో పరీక్షలు రాయనున్నవారు కూడా దరఖాస్తు చేసుకోవచ్చు. ఎస్సీ, ఎస్టీలు ఇంటర్‌ పాసైతే సరిపోతుంది.
వయస్సు: 2021, అక్టోబర్‌ 1 నాటికి 17- 20 ఏండ్ల మధ్య ఉండాలి.
ఎంపిక విధానం: ఇంటర్‌లో వచ్చిన మార్కుల ఆధారంగా ఎంపిక చేస్తారు.
మెరైన్‌ ఫిట్టర్‌ కోర్సు (ఎంఎఫ్‌సీ)/వెజెల్‌ నావిగేటర్‌ కోర్సు (వీఎన్‌సీ)
సీట్ల సంఖ్య: ఎంఎఫ్‌సీ- 20, వీఎన్‌సీ- 20
కోర్సు కాలవ్యవధి: రెండు సంవత్సరాలు (నాలుగు సెమిస్టర్లు)
ఈ కోర్సును సిఫ్‌నెట్‌ కొచ్చి, చెన్నై, విశాఖపట్నం ఆఫర్‌ చేస్తున్నాయి.
అర్హతలు: పదోతరగతి ఉత్తీర్ణత. మ్యాథ్స్‌, సైన్స్‌ సబ్జెక్టుల్లో కనీసం 40 శాతం మార్కులు వచ్చి ఉండాలి. 2021లో పదోతరగతి పరీక్షలు రాయనున్నవారు కూడా దరఖాస్తు చేసుకోవచ్చు.
వయస్సు: 2021, ఆగస్టు 1 నాటికి 15- 20 ఏండ్ల మధ్య ఉండాలి.
ఎస్సీ, ఎస్టీలకు ఐదేండ్లు వయోపరిమితిలో సడలింపు ఉంటుంది.
ఈ కోర్సుకు ఎంపికైన వారికి నెలకు రూ.1500 స్టయిఫండ్‌ ఇస్తారు. విజయవంతంగా ఈ కోర్సు పూర్తిచేసుకున్న అభ్యర్థులకు పోస్ట్‌ ఇన్‌స్టిట్యూషనల్‌ ట్రెయినింగ్‌ ఉంటుంది. ఈ శిక్షణ సమయంలో నెలకు రూ.20,500 స్టయిఫండ్‌ ఇస్తారు. యూనిఫాం అలవెన్స్‌ కింద రూ.2500 ఇస్తారు.
ఎంపిక విధానం: పదోతరగతిలో సాధించిన మార్కుల ఆధారంగా ఎంపిక చేస్తారు.
నోట్‌: మత్స్యకారుల కుటుంబాలకు చెందిన విద్యార్థులకు నాలుగు సీట్లు కేటాయిస్తారు.
ముఖ్యతేదీలు
దరఖాస్తు: ఆఫ్‌లైన్‌లో
చివరితేదీ: జూలై 15
వెబ్‌సైట్‌: https://cifnet.gov.in
ఐఐఏలో
బెంగళూరులోని ఇండియన్‌ ఇన్‌స్టిట్యూట్‌ ఆఫ్‌ ఆస్ట్రోఫిజిక్స్‌ (ఐఐఏ)లో కింది ప్రోగ్రామ్స్‌లో ప్రవేశాల కోసం నోటిఫికేషన్‌ విడుదలైంది.
ప్రోగ్రామ్స్‌: ఇంటిగ్రేటెడ్‌ ఎంటెక్‌-పీహెచ్‌డీ (టెక్నాలజీ), పీహెచ్‌డీ
అర్హతలు: జూలై-2021 నాటికి ఎమ్మెస్సీ, ఇంటిగ్రేటెడ్‌ ఎమ్మెస్సీ లేదా ఎంఈ/ఎంటెక్‌ ఉత్తీర్ణతతోపాటు గేట్‌/జెస్ట్‌ లేదా సీఎస్‌ఐఆర్‌ నెట్‌లో అర్హత సాధించి ఉండాలి.
వయస్సు: 2021, జూలై 1 నాటికి 25 ఏండ్లు మించరాదు
ఎంపిక: ఆన్‌లైన్‌ ఇంటర్వ్యూ ద్వారా
ఇంటర్వ్యూ తేదీలు: జూలై 19-23
దరఖాస్తు: ఆన్‌లైన్‌లో.. చివరితేదీ: జూలై 13
వెబ్‌సైట్‌: https://www.iiap.res.in/phd_2021
