29 నుంచి మూడో విడత దోస్త్ రిజిస్ట్రేషన్లు
డిగ్రీ ఆన్లైన్ సర్వీసెస్ తెలంగాణ (దోస్త్) రెండో విడత సీట్లను శనివారం అధికారులు కేటాయించారు. రెండో విడతలో మొత్తం 48,796 మంది విద్యార్థులకు సీట్లు దక్కాయి. 52,605 మంది అభ్యర్థులు వెబ్ఆప్షన్లు ఎంచుకొన్నారు. మొదటి ప్రాధాన్యంలో 34,678 మంది విద్యార్థులు సీట్లు దక్కించుకొన్నారు. 14,118 మంది విద్యార్థులు రెండో ప్రాధాన్యం ద్వారా సీట్లు పొందారు. మూడో విడత రిజిస్ట్రేషన్, వెబ్ఆప్షన్స్ 29 నుంచి ప్రారంభంకానున్నాయి.
