అన్ని పీజీ కోర్సుల పరీక్షా ఫీజు స్వీకరణ
ఓయూ పరిధిలోని అన్ని పీజీ కోర్సుల సెమిస్టర్ పరీక్షా ఫీజును స్వీకరించనున్నట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ శ్రీ నగేశ్ ఒక ప్రకటనలో తెలిపారు. ఎంఏ, ఎంకామ్ , ఎంకామ్ (ఐఎస్), ఎంఎస్డబ్ల్యూ, ఎమ్మెస్సీ, ఎంలిబ్ ఐఎస్సీ, ఎంజేఅండ్ ఎంసీ, ఐదేండ్ల ఇంటిగ్రేటెడ్ ఎమ్మెస్సీ కెమిస్ట్రీ తదితర అన్ని కోర్సుల రెండు, నాలుగో సెమిస్టర్ రెగ్యులర్ , బ్యాక్ లాగ్ , ఇంప్రూవ్ మెంట్ పరీక్షా ఫీజును ఈ నెల 30వ తేదీలోగా సంబంధిత కళాశాలల్లో చెల్లించాలని చెప్పారు. రూ.300 అపరాధ రుసుముతో వచ్చే నెల 8వ తేదీ వరకు చెల్లించవచ్చన్నారు. ఈ పరీక్షలను వచ్చే నెల 22వ తేదీ నుంచి నిర్వహించనున్నట్లు ప్రకటించారు. పరీక్షా తేదీలు, ఇతర వివరాలకు ఓయూ వెబ్ సైట్ www.osmania.ac.in లో చూసుకోవచ్చని సూచించారు.
