రెండో వారంలో ఎంసెట్ ఫలితాలు
ఎంసెట్ ఫలితాలు ఆగస్టు రెండోవారంలో విడుదల కానున్నాయి. ఈ మేరకు జేఎన్టీయూ అధికారులు ఏర్పాట్లు చేస్తున్నారు. ఎంసెట్ లో మిగిలిపోయిన అగ్రికల్చర్ , మెడికల్ విభాగాలకు శని, ఆదివారాల్లో నిర్వహించిన పరీక్షలు సాఫీగా ముగిశాయి. రెండురోజుల్లో పరీక్షలకు మొత్తంగా 94,476 మంది విద్యార్థులకు 80,575 మంది (86.3 శాతం) హాజరైనట్టు కన్వీనర్ ప్రొఫెసర్ గోవర్ధన్ తెలిపారు. జూలై 18, 19, 20 తేదీల్లో ఇంజినీరింగ్ పరీక్షలు ముగిశాయి. ఇంజినీరింగ్ , అగ్రికల్చర్ , మెడికల్ విభాగాల ఫలితాలను ఒకేసారి విడుదలచేస్తామని గోవర్ధన్ వెల్లడించారు.
