మీకు తెలుసా..?
దేవదాసీ వ్యవస్థ
దేవ అంటే దేవుడు, దాసి అంటే సేవలు చేసే స్త్రీ అని అర్థం. కుటుంబంలో దేవుడి మొక్కుల కోసం తమ సంతానంలో ఒక బాలికను దేవుడికి ఇచ్చి వివాహం చేస్తారు. వివాహానంతరం వారిని దేవుడి బానిసలు (దేవదాసీ)గా పిలుస్తారు. వీరికి జీవితకాలంలో వివాహం చేయరు. పాఠశాలకు కూడా పంపించరు.
కొన్నిప్రాంతాల్లో ఆడపిల్ల పుట్టిన వెంటనే దేవదాసీగా సమర్పిస్తామని మొక్కుకునే ఆచారం కూడా ఉంది. రాజ్యాంగంలోని 23వ అధికరణం ప్రకారం వెట్టిచాకిరీ, దేవదాసీ వ్యవస్థ నిషేధం. దేవదాసీలు, జోగినీ వ్యవస్థల స్థితిగతులు వారు ఎదుర్కొంటున్న సమస్యలు, పరిష్కార మార్గాలు అధ్యయనం చేయడానికి రఘునాథరావు అధ్యక్షతన ఏకసభ్య కమిషన్ను నియమించారు.
జోగినీ, దేవదాసీ వ్యవస్థ గురించి తెలిపే శాసనం క్రీ.పూ. 3వ శతాబ్దానికి చెందిన జోగిమర శాసనం. జోగినీ వ్యవస్థపై వెంకటస్వామి నాయుడు దర్శకత్వంలో 1978లో ప్రత్యూష అనే సినిమాను తెరకెక్కించారు.
