These exams are the gateways to foreign education | విదేశీ విద్యకు ఈ పరీక్షలే గేట్‌వేస్

ప్రపంచాన్ని కుగ్రామంగా మార్చేసిన గ్లోబలైజేషన్ ప్రభావం విద్యపై కూడా ప్రబలంగా పడింది. ఏ దేశంలోనూ విద్యావిధానం ఇతర దేశాల ప్రభావానికి లోనుకాకుండా మనలేని పరిస్థితి వచ్చింది. భూగోళంపై ఎక్కడ నాణ్యమైన విద్య లభిస్తుందో విద్యార్థులు అక్కడికి వెళ్తున్నారు. భారత్ నుంచి ఈ విద్యా వలస విపరీతంగా పెరుగుతున్నది. సాంకేతికత, ఆర్థిక వనరుల లభ్యత (స్కాలర్‌షిప్స్) పెరగడం దీనికి కారణం. భారతీయ విద్యార్థులు ఇతర దేశాల్లోని విద్యాసంస్థల్లో చేరేందుకు ప్రత్యేక పరీక్షలు రాయాల్సి ఉంటుంది. అలాంటి పరీక్షల సమాచారం నిపుణ పాఠకులకోసం ఈ వారం..

టోఫెల్
(Test of English as a Foreign Language)

ప్రపంచంలో ఎక్కువ దేశాలు, విశ్వవిద్యాలయాలు గుర్తించిన పరీక్షల్లో టోఫెల్ అగ్రగామి. సుమారు 9,000 యూనివర్సిటీలు, 130 దేశాలు ఈ టెస్ట్‌ను పరిగణలోకి తీసుకొంటాయి. ఆస్ట్రేలియా, కెనడా, యూకే, యూఎస్‌ఏ వంటి దేశాలు దీన్ని గుర్తించాయి. ప్రపంచ వ్యాప్తంగా సుమారు 30 మిలియన్ల మంది ఈ టెస్ట్‌ను రాశారు. దీనిలో ఇంగ్లిష్ లాంగ్వేజ్ ప్రొఫిషియన్సీని పరీక్షిస్తారు. ఈ పరీక్షను ఏడాది పొడవునా నిర్వహిస్తుంటారు. సాధారణంగా శని, ఆదివారాల్లో దీన్ని నిర్వహిస్తారు. స్కోర్ వ్యాలిడిటీ రెండేండ్లు.
– పరీక్ష విధానం: దీనిలో నాలుగు సెక్షన్లు ఉంటాయి. 4 1/2 గంటల వ్యవధిలో పరీక్షను నిర్వహిస్తారు. దీన్ని ఈటీఎస్ సంస్థ నిర్వహిస్తుంది. ఇది ఇంట్నట్ బేస్డ్, పేపర్ బేస్డ్ విధానంలో ఉంటుంది.
– వెబ్‌సైట్: http://www.ets.org/toefl

జీఆర్‌ఈ
(GRE -Graduate Record Exam)

ప్రపంచవ్యాప్తంగా 130 దేశాల్లో 6 లక్షలకు పైగా గ్రాడ్యుయేట్ స్కూల్స్ జీఆర్‌ఈని ప్రామాణికంగా తీసుకొంటాయి. ఏటా ఆరు లక్షల మందికి పైగా అభ్యర్థులు ఈ పరీక్షను రాస్తుంటారు. సుమారు వెయ్యి సెంటర్లలో ఈ పరీక్షను నిర్వహిస్తారు. ఇది కంప్యూటర్ బేస్డ్ పరీక్ష. కంప్యూటర్స్ అందుబాటులో లేనిచోట పేపర్ బేస్డ్‌గా దీన్ని నిర్వహిస్తారు. పరీక్ష కాలవ్యవధి మూడు గంటలు.
– ఈ పరీక్షలో అనలిటికల్ రైటింగ్, వెర్బల్ రీజనింగ్, క్వాంటి రీజనింగ్‌పై ప్రశ్నలు ఇస్తారు.
– పరీక్ష స్కోర్ ఐదేండ్ల వ్యాలిడిటీ కలిగి ఉంటుంది.
– వెబ్‌సైట్: www.ets.org/gre

పియర్సన్ టెస్ట్
(Pearson Test of English)

719 విద్యాసంస్థల్లో 1780 ప్రోగ్రామ్స్‌లో ప్రవేశాల కోసం దీన్ని పరిగణలోకి తీసుకొంటారు. యూఎస్‌ఏలో 232, యూకేలో 323, ఆస్ట్రేలియాలో ఈ పరీక్షకు ఎక్కువగా ప్రాధాన్యం ఇస్తారు. 44 దేశాల్లో 155 సెంటర్లలో పియర్సన్ టెస్ట్‌ను నిర్వహిస్తారు.
– ఈ పరీక్షలో నాలుగు విభాగాలు ఉంటాయి. స్పీకింగ్, లిజనింగ్, రైటింగ్, రీడింగ్‌లపై ప్రశ్నలు ఇస్తారు
– ఇది కంప్యూటర్ బేస్డ్ పరీక్ష. దీన్ని మూడుగంటల కాలవ్యవధిలో నిర్వహిస్తారు
– డిగ్రీ, మేనేజ్‌మెంట్ కోర్సుల్లో ప్రవేశానికి ఈ పరీక్ష స్కోర్‌ను ప్రామాణికంగా తీసుకొంటారు
– ఈ స్కోర్ రెండేండ్ల పాటు చెల్లుబాటు అవుతుంది
– వెబ్‌సైట్: www.pearsonpte.com

జీమ్యాట్
GMAT (Graduate Management Admission Test)

– 100 దేశాల్లో గ్రాడ్యుయేట్ మేనేజ్‌మెంట్ కోర్సుల్లో ప్రవేశాల కోసం దీన్ని నిర్వహిస్తారు
– సుమారు 1900 గ్రాడ్యుయేట్ బిజినెస్ స్కూల్స్ దీని ద్వారా ప్రవేశాలు కల్పిస్తాయి
– ఇది కంప్యూటర్ ఆధారిత పరీక్ష. దీనిలో నాలుగు సెక్షన్లు ఉంటాయి. అనలిటికల్ రైటింగ్ అసెస్‌మెంట్, క్వాంటి వెర్బల్, ఇంటిక్షిగేటెడ్ రీజనింగ్‌పై ప్రశ్నలు ఇస్తారు.
-పరీక్ష కాలవ్యవధి 3 1/2 గంటలు.
– స్కోర్ ఐదేండ్లపాటు చెల్లుబాటు అవుతుంది. మన దేశంలో ఎక్కవమంది విద్యార్థులు ఎంబీఏ, ఎంఎస్ కోసం జీమ్యాట్ పరీక్ష రాస్తున్నారు.
www.mba.com

శాట్
SAT (Scholastic Aptitude Test)

-కాలేజ్ బోర్డు ఈ పరీక్షను నిర్వహిస్తుంది. సుమారు ఏడు మిలియన్ల మంది విద్యార్థులు, 23,000 ఉన్నత పాఠశాలలు, 3,800 పైగా కాలేజీలు దీన్ని పరిగణలోకి తీసుకొంటాయి.
-ఇది కంప్యూటర్ బేస్డ్ పరీక్ష. దీనిలో రీడింగ్, రైటింగ్, మ్యాథ్స్‌లపై ప్రశ్నలు ఇస్తారు.
-పరీక్ష స్కోర్‌కు ఐదేండ్లు వ్యాలిడిటీ ఉంటుంది. ఈ స్కోర్‌తో విదేశాల్లో అండర్ గ్రాడ్యుయేట్ కోర్సుల్లో ప్రవేశాలు పొందవచ్చు.
-వెబ్‌సైట్: www.sat.collegeboard.com

IELTS
(International English Language Testing System)

ప్రపంచవ్యాప్తంగా సుమారు 6000+ విద్యాసంస్థలు, 135 దేశాలు ఈ పరీక్షను పరిగణలోకి తీసుకొని ప్రవేశాలు కల్పిస్తాయి. ఏటా సుమారు 1.4 మిలియన్ల మంది అభ్యర్థులు ఈ పరీక్షను రాస్తారు. 500 పరీక్ష కేంద్రాల్లో, నెలకు నాలుగుసార్ల చొప్పున ఏటా 48 సార్లు ఈ పరీక్షను నిర్వహిస్తారు.
-ఇండియాలో 39 పరీక్ష కేంద్రాలు ఉన్నాయి.
-సాధారణంగా శని, గురువారాల్లో దీన్ని నిర్వహిస్తారు.
-పరీక్షలో రీజనింగ్, రీడింగ్, స్పీకింగ్, రైటింగ్ అంశాల్లో అభ్యర్థి జ్ఞానాన్ని పరీక్షిస్తారు.
-పరీక్ష కంప్యూటర్ బేస్డ్, పేపర్ బేస్డ్ విధానాల్లో ఉంటుంది. ఎన్నిసార్లయినా ఈ పరీక్షను రాసుకోవచ్చు.
-స్కోర్ రెండేండ్ల వ్యాలిడిటీ కలిగి ఉంటుంది.
-ఈ పరీక్షను బ్రిటిష్ కౌన్సిల్, ఐడీపీలు సంయుక్తంగా నిర్వహిస్తాయి
-వెబ్‌సైట్: www.ielts.org