ఆరు విడతల్లో జోసా కౌన్సెలింగ్‌
ఐఐటీలు, ఎన్‌ఐటీలు సహా దేశంలోని 114 విద్యాసంస్థల్లో ప్రవేశాల కౌన్సెలింగ్‌ షెడ్యూల్‌ను జాయింట్‌ సీట్‌ అలకేషన్‌ అథారిటీ (జోసా) బుధవారం విడుదల చేసింది. మొత్తం ఆరు విడతల్లో కౌన్సెలింగ్‌ ఉంటుందని ప్రకటించింది. సెప్టెంబర్‌ 11న జేఈఈ అడ్వాన్స్‍డ్‌ ఫలితాలు విడుదలవుతాయని పేర్కొన్నది. ఇందులో అర్హత సాధించిన విద్యార్థులు సెప్టెంబర్‌ 12 నుంచి 21 వరకు రిజిస్ట్రేషన్‌ చేసుకోవచ్చని తెలిపింది. సెప్టెంబర్‌ 23న తొలివిడత సీట్ల ను, అక్టోబర్‌ 16న ఆరో విడత సీట్లను కేటాయించనున్నట్టు వివరించింది.
