ఏఎఫ్‌ క్యాట్‌-2023

వాయుసేన.. త్రివిధ దళాల్లో ఒకటి. ఎయిర్‌ఫోర్స్‌లో ఆకాశమంత అవకాశాలు. ఏటా పలు ఉద్యోగాలకు వాయుసేన నోటిఫికేషన్లను విడుదల చేస్తుంది. ప్రస్తుతం పలు బ్రాంచీల్లో కమిషన్డ్‌ ఆఫీసర్‌ పోస్టుల భర్తీకి నిర్వహించే కామన్‌ ఎంట్రన్స్‌ టెస్ట్‌ (క్యాట్‌)- 1/2023 నోటిఫికేషన్‌ను ఎయిర్‌ఫోర్స్‌ విడుదల చేసిన నేపథ్యంలో వివరాలు సంక్షిప్తంగా …

ఏఎఫ్‌ క్యాట్‌

ఎయిర్‌ఫోర్స్‌ కామన్‌ ఎంట్రన్స్‌ టెస్ట్‌. ఏటా ఈ టెస్ట్‌ ద్వారా కమిషన్డ్‌ ఆఫీసర్‌ పోస్టులను భర్తీ చేస్తారు. ఫ్లయింగ్‌, గ్రౌండ్‌ డ్యూటీ (టెక్నికల్‌, నాన్‌ టెక్నికల్‌) విభాగాల్లో ఖాళీలు ఉన్నాయి. పర్మనెంట్‌, షార్ట్‌ సర్వీస్‌ కమిషన్‌ ప్రాతిపదికన ఈ పోస్టులను భర్తీ చేస్తారు.

మొత్తం ఖాళీలు-258

• బ్రాంచీలవారీగా ఖాళీలు:
• ఏఎఫ్‌క్యాట్‌ ఎంట్రీ బ్రాంచీ: ఫ్లయింగ్‌
• ఖాళీలు: షార్ట్‌ సర్వీస్‌ కమిషన్‌ (ఎస్‌ఎస్‌సీ)-10 (వీటిలో పురుషులు-5, మహిళలకు-5)
• బ్రాంచీ: గ్రౌండ్‌ డ్యూటీ (టెక్నికల్‌)
• ఖాళీలు: ఏఈ (ఎల్‌)-130 (వీటిలో పురుషులు-117, మహిళలకు- 13)
• బ్రాంచీ: గ్రౌండ్‌ డ్యూటీ (నాన్‌ టెక్నికల్‌)
• ఖాళీలు: పురుషులకు- వెపన్‌ సిస్టమ్‌-15, అడ్మిన్‌-43, లాజిస్టిక్స్‌-19, అకౌంట్స్‌-11, ఎడ్యుకేషన్‌-8, మెటీయోరాలజీ-7.మహిళలకు- వెపన్‌ సిస్టమ్‌-2, అడ్మిన్‌-5, లాజిస్టిక్స్‌-2, అకౌంట్స్‌-2, ఎడ్యుకేషన్‌-2, మెటీయోరాలజీ- 2 ఖాళీలు ఉన్నాయి. ఎన్‌సీసీ స్పెషల్‌ ఎంట్రీ
• బ్రాంచీ: ఫ్లయింగ్‌
• ఖాళీలు: సీడీఎస్‌ఈ ఖాళీల్లో 10 శాతం పీసీ కింద, ఏఎఫ్‌ క్యాట్‌లో 10 శాతం ఖాళీలను ఎస్‌ఎస్‌సీ కింద భర్తీ చేస్తారు.

శిక్షణ

• జనవరి 2024 నుంచి శిక్షణ ప్రారంభమవుతుంది. గ్రౌండ్‌ డ్యూటీ (టెక్నికల్‌ బ్రాంచీ)కి 74 వారాలు, నాన్‌ టెక్నికల్‌ బ్రాంచీకి 52 వారాల శిక్షణ ఇస్తారు.
• పే అలవెన్స్‌లు: ఫ్లయింగ్‌ ఆఫీసర్‌- లెవల్‌ 10 నెలకు రూ.56,100-1,77,500/-ఇతర అలవెన్సులు ఇస్తారు.

ఎవరు అర్హులు?

• ఫ్లయింగ్‌ బ్రాంచీ పోస్టులకు కనీసం 50 శాతం మార్కులతో ఏదైనా డిగ్రీ ఉత్తీర్ణత లేదా బీఈ/బీటెక్‌ ఉత్తీర్ణులు. అయితే ఇంటర్‌లో మ్యాథ్స్‌, ఫిజిక్స్‌ తప్పనిసరిగా చదివి ఉండాలి. ఫైనల్‌ ఇయర్‌ డిగ్రీ చదువుతున్నవారు కూడా దరఖాస్తు చేసుకోవచ్చు.
• గ్రౌండ్‌ డ్యూటీ టెక్నికల్‌ పోస్టులకు కనీసం 50 శాతం మార్కులతో బీఈ/బీటెక్‌ ఉత్తీర్ణత. నిర్దేశిత శారీరక ప్రమాణాలు ఉండాలి.
• గ్రౌండ్‌ డ్యూటీ నాన్‌ టెక్నికల్‌ పోస్టులకు ఇంటర్‌లో మ్యాథ్స్‌, ఫిజిక్స్‌ సబ్జెక్టుల్లో విడివిడిగా 50 శాతం మార్కులతో ఉత్తీర్ణతతోపాటు ఏదైనా డిగ్రీలో కనీసం 60 శాతం
  మార్కులతో ఉత్తీర్ణత లేదా బీఈ/బీటెక్‌లో కనీసం 60 శాతం మార్కులతో ఉత్తీర్ణత.
• ఫ్లయింగ్‌ బ్రాంచీకి 2024, జనవరి 1 నాటికి 20-24 ఏండ్ల మధ్య, గ్రౌండ్‌ డ్యూటీ (టెక్నికల్‌, నాన్‌ టెక్నికల్‌) బ్రాంచీకి 20-26 ఏండ్ల మధ్య ఉండాలి.
• నిర్దేశించిన శారీరక ప్రమాణాలు కలిగి ఉండాలి. అవివాహ పురుష/మహిళా అభ్యర్థులు అయి ఉండాలి.
• ఏఎఫ్‌ క్యాట్‌ పరీక్ష 300 మార్కులకు నిర్వహిస్తారు. పరీక్ష కాలవ్యవధి రెండు గంటలు. ప్రశ్నల సంఖ్య- 100. దీనిలో జనరల్‌ అవేర్‌నెస్‌, వెర్బల్‌ ఎబిలిటీ ఇన్‌ ఇంగ్లిష్‌, న్యూమరికల్‌ ఎబిలిటీ, రీజనింగ్‌, మిలిటరీ ఆప్టిట్యూడ్‌ టెస్ట్‌ నుంచి ప్రశ్నలు ఇస్తారు.

ముఖ్యతేదీలు
దరఖాస్తు: ఆన్‌లైన్‌లో
చివరితేదీ: డిసెంబర్‌ 30
పరీక్షతేదీ: ఫిబ్రవరి 24, 25, 26
వెబ్‌సైట్‌: https://afcat.cdac.
in/AFCAT