ఆంగ్లంలో రెండేండ్ల ఉద్యాన డిప్లొమా కోర్సు

August 28, 2022 / 05:44 PM IST

రెండేండ్ల ఉద్యాన డిప్లొమా కోర్సు ఈ ఏడాది నుంచి ఆంగ్ల మాధ్యమంలో నిర్వహించనున్నారు. ఇప్పటివరకు రాష్ట్రంలోని ఆదిలాబాద్‌, రామగిరిఖిల్లాలో ఉద్యాన కాలేజీలుండగా, కొత్తగా ఈ ఏడాది నుంచి నల్లగొండ, సూర్యాపేట, మహబూబాబాద్‌లో ప్రారంభించనున్నారు. ఒక్కో కాలేజీలో40 చొప్పున సీట్లు కేటాయించారు. దాంతో రాష్ట్రంలో ఉద్యాన డిప్లొమా కోర్సు సీట్లు 200కి చేరినట్టు శ్రీకొండా లక్ష్మణ్‌ రాష్ట్ర ఉద్యాన వర్సిటీ రిజిస్ట్రార్‌ డాక్టర్‌ భగవాన్‌ తెలిపారు. ఈ కాలేజీలలో ప్రవేశాలకు త్వరలో నోటిఫికేషన్‌ విడుదల చేస్తామన్నారు.