జాతీయం 15-06-2022
బ్లూ డ్యూక్ సీతాకోక చిలుక
సిక్కిం ముఖ్య మంత్రి ప్రేమ్ సింగ్ తమాంగ్ (పీఎస్ గోలే) బ్లూ డ్యూక్ సీతాకోక చిలుకను ఆ రాష్ట్ర సీతాకోక చిలుకగా జూన్ 5న ప్రకటించారు. ప్రపంచ పర్యావరణ దినోత్సవం సందర్భంగా అటవీ శాఖ నిర్వహించిన ఆన్లైన్ పోల్లో బ్లూ డ్యూక్ 57 శాతం ఓట్లను పొందింది. 43 శాతం ఓట్లతో కృష్ణ నెమలి (ప్యాపిలియో కృష్ణ) అనే సీతాకోక చిలుక రెండో స్థానంలో నిలిచింది. బ్లూ డ్యూక్ శాస్త్రీయ నామం బస్సరోనా దుర్గా దుర్గా. దీన్ని 1858లో కనుగొన్నారు.
జనసమర్థ్ పోర్టల్
13 రకాల ప్రభుత్వ రుణాల స్కీమ్లకు సంబంధించిన ‘జన్ సమర్థ్ పోర్టల్’ను ప్రధాని మోదీ జూన్ 6న ఆవిష్కరించారు. వ్యాపారులు, చిన్నతరహా పరి శ్రమల వ్యాపారవేత్తలు, రైతులు, విద్యార్థులు సులభంగా రుణాలు పొందేందుకు ఈ పోర్టల్ తోడ్పడుతుంది. అంతకుముందు ఆజాదీ కా అమృత్ మహోత్సవ్లో భాగంగా ఎకనామిక్, కార్పొరేట్ వ్యవహారాల శాఖలో వారోత్సవాలను ప్రధాని ప్రారంభించారు.
అగ్ని-4
అణ్వాయుధ సామ ర్థ్యం గల అగ్ని-4 బాలిస్టిక్ క్షిపణిని జూన్ 6న విజయ వంతంగా పరీక్షించారు. ఒడిశాలో ని అబ్దుల్ కలాం ఐలాండ్లో ఈ ప్రయోగాన్ని చేపట్టారు. ఇది నాలుగు వేల కిలోమీటర్ల లక్ష్యాలను ఛేదించగలదు. దీని పొడవు 20 మీటర్లు. దీన్ని డీఆర్డీవో రూపొందించింది.
