స్వీడన్‌లో బీటెక్‌ కోర్సులకు దరఖాస్తులు
స్వీడన్‌లోని బ్లెకింగ్‌ ఇన్‌స్టిట్యూట్‌ ఆఫ్‌ టెక్నాలజీ (బీటీహెచ్‌)లో కంప్యూటర్‌ సైన్స్ ఆఫ్‌ ఇంజినీరింగ్‌, ఈసీఈ, ఎంఈలో కోర్సుల్లో ప్రవేశాలు పొందేందుకు ఈ నెల 14 వరకు ఆన్‌లైన్‌ ద్వారా దరఖాస్తులు ఆహ్వానిస్తున్నట్టు జేఎన్టీయూహెచ్‌ అధికారులు తెలిపారు. ఐదేండ్ల ఇంటిగ్రేటెడ్‌ కోర్సులో (బీటెక్‌, ఎంటెక్‌ అండ్‌ ఎంఎస్సీ) అడ్మిషన్లు నిర్వహిస్తున్నట్టు వెల్లడించారు. ఈ మేరకు జేఎన్టీయూహెచ్‌తో బ్లెకింగ్‌ ఇన్‌స్టిట్యూట్‌ ఆఫ్‌ టెక్నాలజీ పరస్పర అవగాహన ఒప్పందం కుదుర్చుకొన్నట్టు వర్సిటీ రిజిస్ట్రార్‌ మంజూర్‌ స్సేన్‌ తెలిపారు. సీట్ల కేటాయింపు కోసం ఈ నెల 29న ఉదయం 10.30 గంటలకు కౌన్సెలింగ్‌ నిర్వహిస్తామని పేర్కొన్నారు. వివరాలకు www.jntuh.ac.in సంప్రదించాలని సూచించారు.
