గ్రామీణ యువతకు ఉచిత శిక్షణ
- దరఖాస్తులకు 13 వరకు గడువు
బ్యాంకర్ల గ్రామీణ, ఔత్సాహికుల అభివృద్ధి సంస్థ (బైరెడ్) ఆధ్వర్యంలో రాజేంద్రనగర్‌లోని క్యాంప‌స్‌లో గ్రామీణ యువతకు ఉచిత శిక్షణ ఇవ్వనున్నట్లు సంస్థ డైరెక్టర్‌ విజయలక్ష్మి ఒక ప్రకటనలో తెలిపారు. మొబైల్‌ సర్వీసింగ్‌, రిఫ్రిజిరేటర్‌-ఏసీ రిపేర్‌, అకౌంటింగ్‌ ప్యాకేజీ- జీఎస్టీ, ఎలక్టీషియన్‌-పంప్‌సెట్‌ రిపేర్‌ రంగాల్లో శిక్షణ ఉంటుందని, వసతి, భోజనంతోపాటు రానుపోను చార్జీలు కూడా చెల్లిస్తామని పేర్కొన్నారు. ఆసక్తిగల యువత www.bired.orgay ఆన్‌లైన్‌లో మాత్రమే దరఖాస్తు చేసుకోవాలని, ఆగస్టు 17 నుంచి సెప్టెంబర్‌ 23 వరకు శిక్షణ ఉంటుందని తెలిపారు. మరిన్ని వివరాలకు 040-2970 9295 / 96లో సంప్రదించాలని పేర్కొన్నారు.
