ఇంటర్ గురుకుల ప్రవేశాల గడువు పొడిగింపు
తెలంగాణ సోషల్ వెల్ఫేర్ రెసిడెన్షియల్ జూనియర్ కాలేజీల్లో ఇంటర్ మొదటి సంవత్సరం ప్రవేశాలకు గడువును ఈ నెల 25 వరకు పొడిగిస్తున్నట్టు సోషల్ వెల్ఫేర్ గురుకుల సొసైటీ కార్యదర్శి రోనాల్డ్రోస్ గురువారం ఒక ప్రకటనలో తెలిపారు. టీఎస్డబ్ల్యూఆర్జేసీసెట్ ద్వారా ఎంపికైనా, ఇప్పటికీ నిర్దేశిత కాలేజీల్లో రిపోర్టు చేయని అభ్యర్థులు 25లోగా రిపోర్ట్ చేయాలని సూచించారు. అడ్మిషన్ సంబంధిత సందేహాల నివృత్తికి టోల్ ఫ్రీ నంబర్ 1800 425 45678కు కాల్ చేయాలని, ఇతర వివరాలకు www.tswreis.ac.in www.tswrjc.cgg.gov.inను సందర్శించాలని పేర్కొన్నారు.
