సింగరేణిలో ప్రతిభ ఆధారంగానే ఉద్యోగాలు

August 26, 2022 / 08:19 PM IST

సింగరేణిలో 177 జూనియర్‌ అసిస్టెంట్‌ ఉద్యోగాల నియామక ప్రక్రియను పారదర్శకంగా నిర్వహిస్తామని ఆ సంస్థ డైరెక్టర్‌(పర్సనల్‌) ఎస్ చంద్రశేఖర్‌ గురువారం ఒక ప్రకటనలో తెలిపారు. సెప్టెంబర్‌ 4న నిర్వహించే రాత పరీక్షలో ప్రతిభ ఆధారంగానే ఉద్యోగాలను భర్తీ చేస్తామని వెల్లడించారు. అభ్యర్థులు ఈ నెల 28 నుంచి సింగరేణి అధికారిక వెబ్‌సైట్‌ నుంచి హాల్‌టికెట్లు డౌన్‌లోడ్‌ చేసుకోవాలని కోరారు. సింగరేణిలో జూనియర్‌ అసిస్టెంట్‌ పోస్టులు ఇప్పిస్తామని కొందరు డబ్బులు వసూలు చేస్తున్నట్టు తెలిసిందని, అటువంటి వాళ్ల మాయమాటలు నమ్మి, మోసపోవద్దని సూచించారు. దళారుల కదలికలపై సింగరేణి విజిలెన్స్‍ శాఖ నిఘా పెట్టిందని తెలిపారు. దళారులు ఎవరైనా సంప్రదిస్తే 9491145075కు ఫిర్యాదు చేయాలని ఆయన అభ్యర్థులకు సూచించారు.