జిప్‌మ్యాట్‌ దరఖాస్తు గడువు పెంపు

June 12, 2022 / 07:42 PM IST

ఇంటిగ్రేటెడ్‌ ప్రోగ్రాం ఇన్‌ మేనేజ్‌మెంట్‌ అడ్మిషన్స్‍ టెస్ట్ (జిప్‌మ్యాట్‌) దరఖాస్తు గడువును నేషనల్‌ టెస్టింగ్‌ ఏజెన్సీ (ఎన్టీఏ) పొడిగించింది. తుది గడువు 10న ముగిసిపోగా, 15 వరకు పెంచింది. 15న సాయంత్రం 5 గంటల వరకు ఆన్‌లైన్‌లో దరఖాస్తు చేసుకోవచ్చని, రాత్రి 11 : 50 గంటల వరకు ఫీజు చెల్లించవచ్చని ఎన్టీఏ పరీక్షల విభాగం సీనియర్‌ డైరెక్టర్‌ డాక్టర్‌ సాధన పరాశర్‌ తెలిపారు. 17,18 తేదీల్లో దరఖాస్తుల్లోని తప్పులను సవరించుకోవచ్చని వెల్లడించారు.