షెడ్యూల్ ప్రకారమే ఓయూ డిగ్రీ పరీక్షలు
ఉస్మానియా యూనివర్సిటీ పరిధిలోని అన్ని డిగ్రీ కోర్సుల పరీక్షలను షెడ్యూల్ ప్రకారమే నిర్వహించనున్నట్టు ఓయూ ఎగ్జామినేషన్స్ కంట్రోలర్ ప్రొఫెసర్ శ్రీనగేశ్ తెలిపారు. బీఏ, బీకామ్, బీఎస్సీ, బీబీఏ, బీఎస్డబ్ల్యూ తదితర కోర్సుల రెండు, నాలుగు, ఆరో సెమిస్టర్ రెగ్యులర్, అన్ని సెమిస్టర్ల బ్యాక్లాగ్ పరీక్షలను గతంలో ప్రకటించినట్టుగా జూన్ నెల 21 నుంచే నిర్వహించనున్నట్టు చెప్పారు. వర్సిటీ పరిధిలోని 410 డిగ్రీ కళాశాలల విద్యార్థులకు 350 పరీక్షా కేంద్రాలను ఏర్పాటు చేశామని, దాదాపు 4,84,291 మంది విద్యార్థులు ఈ పరీక్షలకు హాజరుకానున్నారని వివరించారు.
