ఉపాధి శిక్షణ సంస్థల నుంచి దరఖాస్తులు
నిరుద్యోగ మైనారిటీ యువతకు వృత్తిపరమైన ఉపాధి కోర్సులపై శిక్షణ ఇచ్చేందుకు అర్హత గల సంస్థల నుంచి దరఖాస్తులను ఆహ్వానించింది. విద్య, ఐటీ, హెల్త్, యానిమల్ హస్బెండరీ, డెయిరీ, వెటర్నరీ, హౌసింగ్, ఫైనాన్స్, ఎయిర్ హోస్టెస్, హార్టికల్చర్, టూరిజం, హాస్పిటాలిటీ మేనేజ్మెంట్, అడ్వాన్స్ వెల్డింగ్, ఫైర్ అండ్ సేఫ్టీ, సోలార్ ప్యానెల్ టెక్నీషియన్ తదితర విభాగాల్లో శిక్షణ ఇవ్వగలిగే సామర్థ్యం గల సంస్థలు దరఖాస్తులు సమర్పించాలని మైనారిటీ సంక్షేమశాఖ శనివారం ఒక ప్రకటనలో సూచించింది. నేషనల్ స్కిల్ డెవలప్మెంట్ కార్పొరేషన్, సెక్టార్ స్కిల్స్ కౌన్సిల్, మెప్మా, టాస్క్, టెక్నికల్ ఎడ్యుకేషన్ డిపార్ట్ మెంట్ ఎంప్యానల్ చేయబడిన శిక్షణ సంస్థలే దరఖాస్తులు సమర్పించాలని తెలిపింది. గత మూడేండ్లలో సంస్థల పనితీరుకు సంబంధించిన పత్రాలను ప్రాజెక్టు రిపోర్టుతో జతచేసి హార్డ్ కాపీలను మైనారిటీశాఖకు అందజేయాలని పేర్కొన్నది. వివరాలకు నాంపల్లిలోని హజ్హౌస్ లోని కార్యాలయంలో కానీ, 040 23244501 నంబర్లో సంప్రదించాలని సూచించింది.
