Did you know ..| ఇది తెలుసా..?

April 21, 2022 / 07:09 PM IST

-ప్రాజెక్టు టైగర్

-దేశంలో అంతరించిపోతున్న పులులను సంరక్షించి వాటి సంఖ్యను పెంచేందుకు 1973లో ఇందిరాగాంధీ ప్రభుత్వం ప్రాజెక్టు టైగర్ కార్యక్రమాన్ని ప్రారంభించింది.
-ఈ కార్యక్రమాన్ని పలమావ్ టైగర్ రిజర్వులో ప్రారంభించారు.
-ఈ పథకాన్ని నేషనల్ టైగర్ కన్జర్వేషన్ అథారిటీ పర్యవేక్షిస్తుంది.
-అత్యంత అరుదైన బెంగాల్ పులులతోపాటు దేశవ్యాప్తంగా పులులు నివసించే ప్రాంతాలను రక్షించి, వేటగాళ్ల బెడదను అరికట్టడం ఈ పథకం ఉద్దేశం.
-వేటగాళ్లను అడ్డుకొనేందుకు ఈ పథకం కింద కేంద్ర ప్రభుత్వం టైగర్ ప్రొటెక్షన్ ఫోర్స్ పేరుతో ప్రత్యేక బృందాలను కూడా ఏర్పాటు చేసింది.

-టైగర్ రిజర్వులుగా ప్రకటించిన అడవుల్లో మానవ సంచారాన్ని తగ్గించేందుకు అక్కడి గ్రామాలను మైదానప్రాంతాలకు తరలించటం ఈ పథకంలో మరో కార్యక్రమం.

-ప్రభుత్వ చర్యలతో పులుల సంఖ్య దేశంలో క్రమంగా పెరుగుతూ వచ్చింది.
-2015, జనవరి 20న విడుదల చేసిన నివేదిక ప్రకారం దేశంలో పులుల సంఖ్య 2,226.
-20వ శతాబ్దంలో భారత్‌లో పులులు 20,000 నుంచి 40,000 మధ్య ఉండేవని అంచనా.
-1972లో మొదటిసారి నిర్వహించిన పులుల లెక్కింపులో దేశంలో కేవలం 1800 పులులు మాత్రమే ఉన్నాయని తేలింది.