Rajiv Awas Yojana | రాజీవ్ ఆవాస్ యోజన

దేశంలోని నగరాలు/పట్టణాల్లోని మురికివాడల్లో నివసిస్తున్న పేద ప్రజలకు సొంత గృహసముదాయం కల్పించే లక్ష్యంతో 2009లో కేంద్రప్రభుత్వం రాజీవ్ ఆవాస్ యోజన (ఆర్‌ఏవై) పథకాన్ని ప్రారంభించింది.
-మురికివాడల రహిత దేశంగా తీర్చిదిద్దడమే ఈ పథకం ప్రధానోద్దేశం.
-ఇది పట్టణ పేదరిక నిర్మూలనకు సంబంధించినది.
-మురికివాడలను లేకుండా చేసేందుకు రాష్ర్టాలు, కేంద్రపాలిత ప్రాంతాలను ప్రోత్సహించడంతో పాటు దృష్టిసారించడం.
-ఈ పథకం చేపట్టిన ఐదేండ్లలో మురికివాడల్లో గృహవసతి, నీటిసరఫరా, మురుగునీటి పారుదల, వీధిదీపాలు తదితర మౌలిక సదుపాయాలు కల్పించడం.
-మౌలిక సౌకర్యాల కల్పనలో భాగంగా మొత్తం నగ రం విధానం అవలంబిస్తూ ఏర్పాటు చేయాలి.
-పట్టణ పేదలకు మెరుగైన గృహ, ప్రాథమిక సౌకర్యాలతోపాటు సదుపాయాల కేటాయింపులకు గాను 2009-10 కేంద్రబడ్జెట్‌లో రూ. 150 కోట్లు కేటాయించారు.
-ఈ పథకం రెండు దశల్లో భాగంగా మొదట జూన్ 2011లో ప్రారంభించగా, రెండో దశ అమలు కాలం 2013-2022గా నిర్ణయించారు.
-ఇది ముందుగా పైలెట్ ప్రాజెక్ట్‌గా మొదలై మిషన్‌మోడ్‌గా మార్పు చెందింది.
-దీని నిర్వహణను కేంద్ర గృహ, పట్టణ పేదరిక నిర్మూలన మంత్రిత్వ శాఖ పర్యవేక్షిస్తుంది.
-ఈ పథకం మార్గదర్శకాల ముసాయిదా అన్ని రాష్ట్రా లు, కేంద్రపాలిత ప్రాంతాలు, కేంద్రమంత్రిత్వ శాఖ లు, ప్రభుత్వేతర సంస్థలకు అందజేశారు.
-మురికివాడల్లో కచ్చితమైన డేటాబేస్ అభివృద్ధి ప్రతిపాదనల్లో అమలు కీలకం చేశారు. అంతేకాకుండా నిధులు కూడా దశలవారీగా విడుదల చేస్తారు.
-డేటా ప్రాసెసింగ్ కోసం జాతీయ డేటాబేస్ నిర్వహణ అభివృద్ధి చేపట్టారు.