రెండు క్యాటగిరీల నుంచి ఓయూ పీహెచ్‌డీ ప్రవేశాలు
ఓయూ పరిధిలోని వివిధ ఫ్యాకల్టీలలో పీహెచ్‌డీ ప్రవేశాలను రెండు క్యాటగిరీలలో నిర్వహించనున్నట్టు డైరెక్టరేట్‌ ఆఫ్‌ అడ్మిషన్స్ డైరెక్టర్‌ ప్రొఫెసర్‌ ఐ పాండురంగారెడ్డి తెలిపారు. క్యాటగిరీ 1 కింద ప్రవేశాలకు ఏదైనా జాతీయస్థాయి ఫెలోషిప్‌ పొందాలని, వీరంతా ఈ నెల 6లోపు సంబంధిత డీన్‌ కార్యాలయంలో దరఖాస్తు చేసుకోవాలని కోరారు. క్యాటగిరీ 2 కింద ప్రవేశాలకు పీహెచ్‌డీ ప్రవేశ పరీక్ష పాస్తో పాటు ఇంటర్వ్యూ నిర్వహిస్తామని, ఈ అభ్యర్థులు 18 నుంచి వచ్చే నెల 17 వరకు ఆన్‌లైన్‌ ద్వారా దరఖాస్తు చేసుకోవాలని సూచించారు. వివరాలకు www.osmania.ac.in, www.ouadmissions.com సంప్రదించాలి.
