Differences | జాతీయపార్కులు, శాంక్చురీ, బయోస్పియర్ రిజర్వ్‌ల మధ్య భేదాలు

April 13, 2022 / 03:26 PM IST

నేషనల్ పార్క్‌లు

లక్ష్యం: ఆయా ప్రాంతాల్లో నివసించే రకరకాల జాతులను (పక్షులు, జంతువులు తదితర) సంరక్షించడానికి ఏర్పాటు చేసేవి పార్కులు. వీటిలో అతి తక్కువ మానవ వనరులను ఉపయోగిస్తారు.
-ఈ ప్రాంతంలో ఎవరిని నివాసానికి అనుమతించరు. కేవలం ఆయా పార్కుల్లో పనిచేసే సిబ్బంది మాత్రం వారికి కేటాయించిన సమాయాల్లో విధులు నిర్వహిస్తారు. ఇవి కోర్ ప్రదేశాల్లో ఏర్పాటు చేస్తారు.

శాంక్చురీలు: ప్రత్యేక పరిరక్షణ చర్యలతో వీటిలో వివిధ జాతులకు చెందిన జంతువులు, పక్షులు ఇతర జీవులను కాపాడటానికి ఏర్పాటు చేసిన కేంద్రాలు.
-ఈ శాంక్చురీల్లో విధులు నిర్వహించే వారు తప్ప ఎవరూ నివాసం ఉండరు. వీటిని కోర్, బఫర్, రిస్టోరేషన్ ఏరియాల్లో ఏర్పాటు చేస్తారు.
బయోస్పియర్ రిజర్వ్‌లు: సహజవనరులను రక్షించడం, అభివృద్ధి పర్చడం కోసం వీటిని ఏర్పాటుచేస్తారు. ఈ ప్రాంతాల్లో నివసించే మనుషులు, ప్రకృతి మధ్య సహసంబంధాన్ని మరింత పటిష్ఠం చేయడానికి తగు చర్యలు తీసుకొంటారు. ఈ ప్రాంతాల్లో సహజసిద్ధంగా, మానవ ప్రేరేపితంగా ఉండే ప్రకృతి వనరుల పరిరక్షణ చేస్తారు. ఈ ప్రాంతాల్లో అక్కడక్కడ మానవ నివాస ప్రాంతాలు ఉంటాయి.