ఐఐటీహెచ్‌లో కొత్తగా ఎమ్మెస్సీ మెడికల్‌ ఫిజిక్స్ కోర్సు
సంగారెడ్డి జిల్లా కందిలోని ఐఐటీ హైదరాబాద్‌.. కొత్తగా ఎమ్మెస్సీ మెడికల్‌ ఫిజిక్స్‍లో మాస్టర్‌ ఆఫ్‌ సైన్స్ కోర్సును ప్రారంభించనున్నది. మూడేండ్ల వ్యవధి ఉన్న ఈ కోర్సును సెప్టెంబర్‌లో అందుబాటులోకి తీసుకురానున్నది. ఈ కొత్త కోర్సును విద్యార్థులకు అందించేందుకు ఐఐటీ హైదరాబాద్‌, బసవతారకం ఇండో అమెరికన్‌ క్యాన్సర్‌ ఇన్‌స్టిట్యూట్‌ సంయుక్తంగా ఒప్పందాన్ని కుదుర్చుకొన్నాయి. ఈ కోర్సులో చేరేందుకు అభ్యర్థులు ఫిజిక్స్ ప్రధాన సబ్టెక్టుగా బీఎస్సీ పూర్తి చేయాలని ఐఐటీ డైరెక్టర్‌ బీఎస్ మూర్తి తెలిపారు. ఆసక్తి ఉన్నవారు నేరుగా ఐఐటీ హైదరాబాద్‌లో దరఖాస్తు చేసుకోవాలని కోరారు.
